Job Interview Me Safal Hone ke Tips Hindi Me.

Hello Dosto, aaj mai Job Interview Me Success Hone Ke liye 10 baate share karunga jo mujhe bahut hi jaruri lagti hai. ye sabhi tips maine kai kitabo or interview me safal hue logo ke experience se jane hai or sabka knowledge milakar mai last me jaha pahucha wo baate is post me aapse share kar raha hu, ummid hai aapko ye tips bahut hi helpful hoge or aap apna interview me successful hoge.

Job Interview Me Safal Hone Ke 10 Tips Hindi Me.

1)  CV /  Resume  ko banane me puri sawdhani barte.

CV yani aapka Resume jisme aap apne education, personal info, skills aur kai chizo ki jankari hoti hai, ek taraha se ye aapka full BioData hota hai jo job interview me sabse important hota hai. aapke CV ka maksad apne potential employer ko ye dikhana hona chahiye ki Q aap is Job ke liye best person hai.

interview

 

Aapki CV hi aapse related wo pheli chiz hai jo Interviewer ke samne jati hai. aap ye kahe sakte hai ki unki nazaro me yahi aapka first impression hota hai. ager interviewer ko CV acchi nhi lagi, ya usme bachkani mistakes dikhi to aapke liye uska perception kharab ho sakta hai. or ye bhi dhiyaan rakhe ki aapki choti – choti bate kahi na kahi aapki badi – badi harkato ki aur bhi ishara karti hai. ager koi person apne CV banane me sawadhani nhi rakhta hai to job hat se jane ke chance bahut jayda hote hai. isliye aapko apna sabse phele Resume Sahi tarike se banana jaruri hai.

Resume acche se banana isliye bhi jaruri hai Q ki jaydatar Company’s me phele CV ke basis par hi candidates ko alag kiya jata hai or ager aap yahi alag ho gaye to baki Tips rkhi ki rkhi rahe jayegi. isliye is most important step ko bilkul miss na kare. mai yaha Resume/CV kaise banaye ye to nhi bata sakta par kuch important points jarur share kar sakta hu jispar aapko dhiyaan dena chahiye.

  • aapki CV ka look professional hona chahiye.
  • bade – bade paragraph ki jagha bullet points use kare, ye interviewer ko CV padhne ke liye jayda pereet karta hai.
  • koi bhi Spelling mistake nhi hone chahiye.
  • ager CV 2 page me ban sakti hai to jabrdasti usko 4 page na banaye.
  • alag – alag job ke hisab se apni CV me thode bahut badlav kare.
  • un points ko highlight karne ki koshish kare jo is job se related ho.
  • CV banane ke baad 2 – 4 logo se usko padhva le.

2)   Job se related theoretical knowledge ko special attention de.

Job se sambhdit theoretical knowledge ko barabar importance’s de, mai kuch aise logo ko janta hu jinke pass practically kam kaise hota hai is baat ki acchi knowledge hai. par wo technical terms aur theory me lack karte hai or is wajha se unhe interview me utni safalta nhi mile pati. aap is traha ki galti na kare or theoretical knowledge ko kam na aake.

resume

 

ager me apni baat karu to job interview ki puri preparation ko 60% time is kaam me deta hu. yaha par diya gaya effort or chizo kp aasan bana deta hai, aapka confidence badh jata hai or aap jo answers dete hai usme ye saaf jhalkta bhi hai. Interviewer bhi shuruwati answers ki quality se hi jaan leta hai ki aap ek well prepared candidate hai ya ek casual candidate ka pata lagta hai.

job interview ko kabhi casually nhi lena chahiye, yah ek competition hai. aapko khud ko dusro se Better sabit karna hota hai aur aap kisi bhi department kam nhi ho sakte. isliye aap jo bhi interview dene jarahe hai us field se related theoretical knowledge par jayda dhiyaan dijiye.

mai yaha practical knowledge ko isliye emphasize nhi kar raha hu Q ki ager aap ek fresher hai to aapse practical knowledge expected nhi hai or yadi aap experienced hai to definitely aapke pass practical knowledge hogi hi ye pakka hai.

3) khud ko Employer ki jagha rakh kar dekhe.

ye sochiye ki ager aap interviewer hote to ek ideal candidate ke andar kya khojte. jo job vacancy hai uski specific need ko samjhne ki koshish kijiye aur un needs ko pura karne ke liye jo qualities chahiye us job interview me showcase kar sakte hai. dusri taraf aap un qualities ko chupa bhi sakte hai jo is job ke liye feet baithi nhi.

For example : ager Marketing job ke liye ja rahe hai to aapki travelling ki hobby ko aap highlight kar sakte hai. par yadi aap operations ki job ke liye ja rahe hai. to aapko isko highlight nhi karna chahiye. alag – alag job requirements ke hisab se aap apnk CV me badlav kar sakte hai or usko aur bhi effective bana sakte hai.

aam tor par koi interviewer aapke confidence, subject knowledge or stability, team me kaam karne ki shamta etc ko check karte hai.

kai baar ye bhi hota hai ki aap kisi kaam ke liye overqualified hote hai, jaise ki ager computer operator ka kaam hai ager koi MCA us job ke liye interview de raha hai to bhi Employer usko select karne me hichkichayega Q ki uski is job me tikne ke aasaar kam hoge. isliye ager job ke hisab se aapki qualification jayda hai to usko mention nhi karna thik rahega.

 

is tarha jab aap khud ko employer ki jagha rakh kar dekhte hai to aapke dimaag me kai baate aayegi or aap us hisab se khud ko tayar kar sakte hai.

4) Frequently Asked Questions( FAQs) ki tayari dikh se karle.

Job  interview me kuch questions bahut hi common hote hai jo lagbhag har ek intrrview me pucvhe jate hai. aise questions ki tayari acche se katle or sath hi sath un questions ke bare me bhi soch le jo aapke jawab ke badle aapse pucche ja sakte hai.

yaha me aise questions ki ek choti se list de raha hu.

  1. Tell me about Yourself ? / Walk me through you CV?/ Introduce yourself/ अपने  बारे  में  हमें  बताएं ?
  2. Do you want to ask any question? / क्या आप  कोई  प्रश्न    पूछना  चाहते  हैं  .  ( Inerview के  अंत  में  ये  पूछा  जा  सकता  है .)
  3. Tell us about your  current  job, what is your role?/  अपनी  मौजूदा  नौकरी  के  बारे  में  बताएं , आपका  काम  क्या  है ?
  4. Why do you want to join this company? / आप  ये  company क्यों  join करना  चाहते  हैं ?
  5. Why is there a gap in your studies/ job ? आपकी  पढाई /job में  gap क्यों  है ?
  6. Why do you want to leave your current job? / आप  अपनी  मौजूदा  नौकरी  क्यों  छोड़ना  चाहते  हैं ?
  7. What are your weaknesses / strengths ? / आपकी  weakness/ strength क्या  है ?
  8. Why should we select you? /हम  आपका  चयन  क्यों करें  ?
  9. Why did you chose this specialization? आपने  यह  specialization क्यों  किया ?
  10. Why your marks are very low in xyz exam? Xyz exam में  आपके  marks इतने  कम  क्यों  हैं ?
  11. What has been your biggest achievement till date? / अब  तक  की  आपकी  सबसे  बड़ी  achievement क्या  रही  है ?

iske alawa aapki industry se related kuch common questions bhi puche ja saktr hai. isliye aise question ki study phele se hi details me karle.

Read Also.

 

in questions ki tayari karne ka matalb ye nhi ki inhe ratta jaye. ye isliye hai ki aapki mental clarity bani rahe. in questions ke answers ki ek outline aapke mind me tayar honi chahiye or interview ke samay usko apne sabdo me bolne ke liye tayar rahena chahiye.

For Example : ager koi achanak hi aapse aapki strength puch le to aap koi na koi answer jarur dege par ho sakta hai baad me aapko lage ki aap apni sabse badi khubi batane se chuk gaye hai. lekin ager aap phele se prepared rahege to aisi galti nhi hogi.

 5) Mind me pura  interview process kai baar run karle.

jab bhi mujhe interview dena hota hai to usse phele mai 4-5 baar pura ke pura interview apne mind me run kar leta hu or ye bahut hi detailed hota hai.

 

isme mai subha uthne se lekar interview khatam hone tak ki choti se choti baat ke bare me sochta hu. aisa karne se mind kai chizo kp lekar bilkul clear ho jata hai. jaise ki kab uthana hai. kya revise karna hai, kya phen kar jana hai, kaise jana hai, kab tak phuchna hai, kya – kya lekar jana hai, kaise gesture rakhna hai, kaise khud ko introduce karna hai, etc.

isme sabse jaruri part hota hai khud kp interview se interact karte hue visualize karna. mak apne man me sochta hu ki interviewer koi question puch raha hai of fir mai uska answer de raha hu. aisa karne se kai baar aise questions dimag me aa jate hai jinka answer thik se nhi pata hota or ta. mai unhe acche se tayar kar leta hu.

pata nhi aapkp ye technique kaisi lage paf mai jab bhi isko karta hu iska kuch na kuch fayda jarud hota hai. ab chahe wo koi interview se expected kisi question ka dimag me aana ya koi chotu se chiz jaise ki job interview ke liye kapde press karwana par kuch na kuch fayda hota jarur hai.

6) Mock & Mirror Practice

ager aapko interview dene ka jayda experience nhi hai to aapko bhi mock interviews jarur dena chahiye. mock interview conduct karne ke liye aap apne kisi aise friend ya Senior se request kar sakte hai jo aapko ek sahi feedback de sake. is activity ko bahut seriously kijiye ye aapko bahut kuch sijha sakta hai Q ki aksar hum khud jo galtiya karte hai wo hume dikhai nhi deti lekin or kai unhi chizo kp aasani se point kar sakta hai.

ye dhiyan de ki kahi is activity se aapka confidence kam na ho, yaha interview lene wale ko samjhdari dikhani hogi ki wo aapki improvement areas bhi bataye or aapka confidence bhi badhaye. ager aapko lagta hai ki is activity se aapka confidence lose ho sakta hai to isko na kare. iski jagha aap khud shishe ke samne baith kar apna interview de or chahe to uskp apne mobile me record bhi karle. jab aap apne answers sunege to aapko khud b khud implement areas dikh jayegi.

7) Non-Verbal Communication par dhiyan de.

hum jo communicate karte hai wo samne wale tak do tarha se pahuchta hai Verbally or Non-Verbally. verbally, yani jo hum bolte hai, ya likhte hai, or non-verbally baki chixe hum kaise kis tone me bolte hai, humare baithne ka tarika, eye contact even humara derssing sense. alag – alag research ke mutabhik  humre total communication me sirf 20% verbal hota hai or 80% Non-verbal.

job interview

isliye is 80% par dhiyan dena bahut jaruri hai. aapka interviewer se interact karte waqt kuch baton ka dihyan dena hoga.

aapko dekhkar lage ki aap is job me genuinely interested hai. aisa aap acche se dress up hokar, time se venue par phuch kar sakte hai. aapki aawaj dull nhi honi chahiye, enthusiasm or confidence show karna bahut jaruri hai. phele baar milte waqt halki si smile jaruri hai of interview ke doran bhi aapko ek friendly gesture rakhna chahiye job ke liye aapka josh aapki tayari se saaf jhalkega. isliye apna homework acche se kar ke interview dene jaye. specially company ke bare me aapko acchi jankari honi chahiye or aapki field se related current developments bhi pata hone chahiye.

8 ) Contradictory answers na de.

Interviewer aapki honesty  check karne ke liye ya bas yahi kuch aise sawal puch sakte hai jinka answer ek dusre se related ho.

For example: ager aap phele kahe chuke hai ki ye aapki dream company hai par jab ye puccha jata hai ki ye company kya – kya service hai or aap thik se nhi bata pate hai to yahi massage jata hai ki ek tarf to ye aapki dream company hai or dusri taraf aap iske bare me basic jankari bhi nhi rakhte hai to iska matalb aap honest nhi hai.

ya man lijiye aapne CV me apni hobby playing cricket likhi hai or interview me playing chess batate hai to definitely interviewer ko aap par doubt hoga.

interview me sach bolna hi sahi raheta hai par yadu aap excitement ya nerovosness me kuch jayda bole gaye ho to us answer par tike rahiye or pure interview ke doran usko contradict mat kariye

9) jis language me comfortable ho usi me interview de.

yadi aap english or hindi dono me baat karne me nipun hai to aap ye point skip kar sakte hai lekjn ager aap English me comfortable nhi hai to aapke liye ek important point ho sakta hai.

ager dekhe to aaj kal jaydatar job interview English me hote hai lekin kai jagha jaha hindi me bhi interview ho sakte hai waha bhi log English me hi interview dene ki koshiah karte hai dekhiye galat English bolne se accha hai sahi hindi me bole.

Read also.

 

ha ager job hi aisi hai jaha bina English ke kaam nhi chalne wala jaise ki international call center, etc me tab aap English me hi baat karne ki koshish kare lekin ager koi aisi job hai jaha hindi se bhi kaam chal sakta hai to hindi me hi baat kare. infact interview ke shuru me hi aap shashtkarta se puch sakte hai ki Can I answer the questions in Hindi ? क्या  मैं  अपने  उत्तर  हिंदी  में  दे  सकता  हूँ ? jaydatar case me aapko yes me hi answer milena chahiye or fir aap apna pura interview hindi + English mila kar dete sakte hai. actually bahut sari jobs me bas aapko English ke samjh ki jarurat hoti hai. bhale aap usko bol nhi paye lekin sunkar ya padh kar samjhne ki kabiliyat bhi us kaam ko karne ke liye kafi hai or interviewer is baat ko samjhta hai.

aisa karne ka sabse bada fayda ye hai ki aap khud ko acche se dikha sakte hai or aapki us nokri se related jo bhi knowledge hai usko interviewer ke samne aasani se la payege or jab aap aisa karege to aapke success ke chance badh jayege.

10) ye soch kar chale ki Selection hua to accha nhi to kuch isse bhi accha hoga.

job interview me  select hone ke liye bahut over conscious mat hojaye, ager aap select nhi hote hai to bhi duniya idhar udhar nhi hone wali infact kuch manth baad shayad aapko yaad bhi na rahe ki aap aise kisi job interview me appear hue the. positive attitude rakhne wale ye maan kar chalte hai ki jo hota hai accha hota hai

Friends, I hope ki yaha share ki gayi baate aapke kaam aayegi or aap job inteview me apne success rate ko phele se improve kar payege. mujhe aapke feedback or job interview se related questions ka intejar rahega. iske liye aap comment kar sakte hai.

humare latest post ki jankari email par pane ks liye email subscribe kare. post ko share kare facebook or Twitter par aapke ek share se kisi ki help ho sakti hai.

5 COMMENTS

    • thank you gaurav ji, interview ko leker kai logo ke man me kai aise sawal hote hai jinka unko sahi se answer nhi mile pata isliye maine. is post ke jariye unhi logo ki help karna ucchit samjha…

LEAVE A REPLY

Please enter your comment!
Please enter your name here