Blog Post Me On Page SEO Kaise Kare Full Guide Hindi Me.

website post me on page seo kaise kare ? On page search engine optimization ka use karke apne blog post ko Google search me first page pe rank kaise kare is bare me ham janenge, ek blogger ke liye uski blog post google me 1st rank par lana bahoot badi baat hoti hai aur isme On Page Seo ka bahoot aham hissa rahata hai jo ki ek Seo ka hi part hai.

on page seo ke help se hum apne post ko search engine me bahut hi fast index kara sakte hai sath hi post ko 1st page par lane me ye tarika bahut kaam aata hai, mujhe kai new blogger ne facebook, whatsapp par sawal kiya hai, bhai aapke site ki post itne fast google par search me kaise aati hai ? or 1st page par kaise dikhai deti hai tab mai un sabhi blogger se kaheta hu post ko on page seo karta hu aap bhi yahi kiya karo tab woh puchne lagte hai on page seo kaise kare ? yahi wo karna jiske chalte aaj mai aap sabko on page seo ki full guide details me dunga yah jo tarika mai aapko batane jara hu wo Blogger Blog aur WordPress Blog 2 pe work karta hai.

Read Also.

 

ON PAGE SEO kya hai?

Aapke man me ye sawal aaya hoga ki ye on page seo kya hai, ya shayad aapko pata bhi hoga, agar nahi pata hai to koi baat nahi hum bata dege, SEO matalb search engine optimization! jisaka sahi use karake ham apane blog ki ranking aur search visibility badha sakate hai, SEO ke 2 types hote hai Ek jo ham abhi dekh rahe hai ON PAGE SEO Aur dusara jo me aapko meri next post me bataunga – OFF PAGE SEO.

on page seo

#. ON PAGE SEO – 
on page seo ka wo part hai jo ham post likhane ke time use karate hai. For example, H1, H2 sub shadings, Tittle, permalink, Image optimization, Alt tag, Keywords, Labels, Search Description etc. Agar aapko in sab ke baare me nahi pata hai toh ghabarane ki koi baat nahi Q ki is post me ham yahi sab janane wale hai.

#. OFF PAGE SEO – 
on page seo ke baad jo second remaining part bachata hai use ham OFF PAGE SEO kahate hai Iska istamal ham Post likhane ke baad karate hai. For example – Social Media Sharing, Search Engines Submition, Blog Directory, Guest Posting, Backlinks, Pinterest Image Sharing, Social Sharing Buttons, Plugins etc ye sab part off page seo optimization me aata hai.

Read Also.

 

Blog Post me One Page Seo Kaise Kare.

1. SEO FRIENDLY Tittle.

SEO Friendly tittle On Page Seo ka sabse aasan aur important hissa hai, ye karane me bahoot hi easy hai par isaka asar bahoot bada hota hai. aksar kuch log jab new post likhane jate hai to pahale voh post unhone jaha par padhi thi ya reffer ki thi.. wo usi post ke tittle se related koi tittle dal dete hai. Par ye bilkul galat baat hai. aisa karane se unke blog ki posts ko Google par achhi rank kabhi bhi nahi mil sakti. Isiliye kabhi bhi aapne post ka tittle kisike blog post ke tittle se milata – julata tittle na rakhe.

2. Tittle Me Keywords Ka Use Kare.

A. Tittle ko sahi mayane me seo friendly banane ke liye tittle me Keywords ka use kare. Jaise mene is post me kiya hai.

B. Apana keywords hamesha tittle ke starting ke 2-3 words me hi use kare.

For example –
meri is post ka tittle hai – Blog Post me One Page Seo Kaise Kare. isme aap dekhenge ki ye post On Page Seo par hai isiliye Mera Keyword on page seo hai jo maine post tittle ke shuruat me rakha hai. aisa isliye q ki ek survey se ye pata chala hai ki Google hamare post Tittle ke first 3-4 words par jyada focus karata hai.

3. Short Tittle Ka Use Kare.

Apani post ka tittle hamesha short rakhane ki koshish kare. Short rakhane ka matalab ye nahi ki aap 2 ya 3 words ka hi rakhe. Yoast SEO jo ki WordPress platform ka number 1 seo plugin hai uske anusar Hamari post ka tittle minimum 35 characters aur maximum 65 characters ka hona chahiye.

Note :- apane post tittle me 65 se jyada characters ka use na kare. Q ki Google search results me 65 se jyada characters show nahi hote hai.

4. Post Me Related Images Add Kare.

Apani post me post se related images ya screenshots add kare. Jisase visitors images ko reffer karake jaldi se topic ko samaz sake. 100 words = 1 image. Isaka matalab topic se related 1 image hamare 100 words ke barabar hoti hai. Post me images add karane se visitors ko topic ko understand karane ke liye aasani hoti hai. Aur voh hamari site par jyada der rukate hai. Jisase hamara bounce rate kam hota hai aur daily time on site ke saath saath alexa ranking bhi improve hoti hai.

5. First and last paragraph me Keywords ka istamal kare.

Jab ham blog par koi post likhate hai to hamara targeted Keyword hame post ke First Paragraph me aur last paragraph me jaroor use karana chaahiye. Google jyada isi par concentrate karata hai. Aur agar koi visitor koi Keyword search karata hai aur vo Keyword hamare first and last paragraph me milata hai to Google search me hamari post first page par show hoti hai. Isiliye post ke 1st aur last paragraph me Keywords jaroor use karane chahiye.

Read Also.

 

6. Images Ko Perfectly Optimize Kare.

#. Image Upload Karane Se Pahale Rename Kare.

Jab ham kisi photo editor se image banate hai ya koi screenshot lete hai to us image ka tittle kuch img18q610.jpg aisa rahata hai. Jo ki bilkul seo friendly nahi hota. Isiliye jab bhi ham blog me koi image upload kar rahe hote hai usse pahale us image ko rename jaroor kar le.

Aur possible ho to usme bhi Keyword ka use kare. Isase google ko hamari image me kya hai ye samaz aata hai aur Google ke image results me hamari images bhi aane lagati hai. Jisase hamara traffic aur bhi increase hota hai.

image ko rename karte samya image ka title seo hona jaruri hoga hai, iske liye aap space ke jagha – + ka use kare, niche maine ek example diya aapko same waisa hi images ke naam – + use karna hai ye samjh me aayega.

Example : seo-kya-hai.png

uper example me aap dekh sakte ho image title me maine space ke jagha – ka use kiya bas aapko bhi yahi kaam apne image me karna hai.

#. Image ko Compress Karke Size Kam Kare .

hum hamari blog me jo images use karate hai unaki size bahoot jyada hoti hai. aur isse hamare loading speed par bahoot jyada negative impact padata hai. Isiliye hum jo bhi images blog me use karate hai unhe upload karane se pahale Online tools ki madad se image ko Optimize kar le. aur size reduce karane ke baad blog me add kare.

image ko optimize karne ke liye karken.io ya compressnow ye 2 online tool use kare, q ki isse aap 700kb ki image ko 30 kb tak compress kar Sakate hai, in my case, me bhi yahi use karata hu.

#. Image Properties Me Alt Tag Ka Use Kare.

Jab bhi ham koi image upload karate hai usse pahale jaise image ko rename aur compress karana jaroori hota hai vaise hi image Upload ho jane ke baad usame Alt Tag lagana bhi bahoot jaroori hota hai. Alt tag lagane ke baad search engine jaise, Google me agar koi hamari post ka Keyword search karata hai aur vahi Keyword agar hamane us post ki alt tag me use kiya hota hai. to google ye samaz jata hai ki hamari post usi topic se related hai. aur is tarah hamari post first rank par aati hai.

7. Blogger Labels Use Kare/ WordPress Category, Tags ka istamal kare.

Agar aap blogger platform use karte hai to post likhate waqt sidebar me labels ka option hota hai. Vaha apni post kis topic se related hai uska label jaroor add kare.

For example :- meri is post ka topic SEO matalab search engine optimization hai. To maine is post me Blogging and SEO Ye 2 labels use kiye hai.

Isse hamare visitors ko site par apni jaroorat ka content khojane me aasani hoti hai. aur wo site ko dobara visit karana pasand karate hai. aur agar aap wordpress platform par hai to Category (labels) ka use jaroor kare. Q ki WordPress ke labels bhi Google search me aate hai.

8. Post Ke Liye Permalink Ka Use Kare.

# Custom Seo Friendly Permalink ka use kare –
Aap chahe kitana bhi badhiya article Q na likhe agar aap usme custom Permalink ka use nahi karate to aapake post ko search visits milana mushqil hai. ham jo post likhate hai uski ek link hoti hai jispar click karke visitors hamari posts padh sakate hai. Use hi Permalink kaha jata hai.

agar ham custom Permalink set nahi karte hai to uski jagah hamari post ka jo tittle hai usake first 4-5 words ki link ban jati hai jise ham automatic Permalink kahate hai. Is automatic Permalink se hame koi khas views nahi milate hai q ki ye achhi tarah set ki huyi nahi hoti. Bas usme post ke first 4-5 words hote hai. Jisase hame search engine se traffic nahi milata.

For example – mere is post ki automatic Permalink.

https://www.indihow.com/blog-post-me-on-page-seo-kaise-kare/

Kuch is tarah hoti jo ki ab hai. niche jo link hai wo sort hai.

https://www.indihow.com/on-page-seo-kaise-kare/

Ye hai.

Toh ab aap samaz chuke honge ki Automatic Permalink Aur Custom Permalink me kya change hota hai.

Isiliye Custom Permalink set karana jaroori hai. Agar aap blogger platform use karate hai to aap New post likhate waqt sidebar me permalink option par click karke apni permalink set kar sakate hai. Permalink me aur kya kya use karana hai voh me niche detail se bata raha hu.

# Permalink Short Rakhe –
Jaise ki aapne upar example me dekha ki automatic Permalink kitni badi ho jaati hai aur voh na hi dikhane me achhi lagati hai aur na hi seo friendly hoti hai. Par uski jagah par agar ham short Permalink ki baat kare jaise mene rakhi hai. Ye dikhane me bhi attractive lagati hai jisse visitors hamari post ki taraf attract hote hai.

Short Permalink Ke Fayade – dikhane me attractive hoti hai jisase visitors ke man me post padhane ki ichha nirman hoti hai.SEO friendly hoti hai.Post Ka Topic Jaldi Clear Ho Jata Hai.

# Permalink Me Keyword Ka Prayog Kare –
Aapki Permalink jitani short hogi utana hi achha hota hai.. par isake sath sath Permalink me Keywords use karana bhi behad jaroori hota hai. Isse hamari post ko Google me achhi ranking milati hai, aur hamare Page views aur ranking dono achhi hoti hai. Permalink me hamesha starting me hi Keyword use kare. Q ki google is link ke first 3-4 words par hi jyaada focus karata hai. Aur isi se hamare post ki search engine me rank decide hoti hai.

9. Tittle Aur Permalink Me Ek Keyword Ka Dobara Use Na Kare.

Hame post ke tittle me ya Permalink me ek hi Keyword ka double upayog nahi karana chahiye. Jaise ki mere is post ka Keyword on page seo hai. Toh me ise Tittle me bhi ek hi baar use karata hu aur Permalink me bhi 1 hi baar use karata hu. aap ek hi Keyword ko alag alag tarah se use kare jaise mene kiya hai. Seo aur search engine optimization ye dono keywords alag lagate hai par inki concepts ek hi hai. Aise hi aap bhi kar sakate hai par kabhi bhi 1 hi Keyword ko dobara use na kare. Agar aap ek hi Keyword dobara use karate ho to ye black hat seo ho jayega. sur aapaki posts search engine se ban bhi ho sakati hai.

10. Internal Links Add Kare Post Me

Links 2 types ki hoti hai.

¶ Internal Links – Internal links matalab hamare blog ya website ki links.. Short me batana ho to jo links hamare blogs ke content se related hoti hai aur hamare blog ki hi hoti hai use ham Internal links kahate hai.

¶ External Links – Jo ham bahar ki site ki links add karate hai unhe ham External links kahate hai. For example – google, alexa, and another sites ki links.. ye external links me aati hai.

Aap jis bhi topic par post likh rahe ho usse related agar aapne pahale bhi koi post likhi hai toh uski link (internal) apani post me jaroor add kare. Isse hamare site ka navigation achha hota hai. Aur visitors ko ek se dusari post par jane me aasani hoti hai.

11. H1 and H2 Sub hedings Ka Use Kar

hamari post ka tittle hota hai voh h1 subheding me hota hai. hamesh apni post ki Keywords ke liye h2 sub shading ka use karana chahiye. Aur baaki important words ke liye h3, h4, h5, h6 ka.. But yaad rahe ki agar aap in sub shadings ka jyada use karoge to aapaka blog search se ban ho sakata hai. Isiliye me niche jitana bata raha hu utani matra me hi shadings ka use kare.

H1 – iska 1 hi baar use kare voh bhi only tittle me.
H2 – iska aap 2 baar use kar sakate ho, ise apane focus Keyword ke liye use kare.
H3 – 3 baar use kare.
H4 – 4 times istamal kare.
H5 – 5 time use kare.
H6 – 6 baar use kar sakate hai.

Ab aap headings ka istamal kitani baar karana hai samaz hi gaye honge.

Read Also.

 

12. Bold, Italic, Underline ka use kare.

Jab bhi aap koi post likh rahe ho aur post me koi important word aaye toh vaha par aapako bold, italic aur underline ka use karana chahiye. Isse visitors ka dhyan aasani se un words ki taraf jata hai aur visitors ke aakho par jyada stress nahi padata. Jisase voh Hamari site par jyada der rukate hai aur hamare site ka user interface achha hota hai sath sath bounce rate bhi kam hota hai.

13. Modifires Ka Use Kare.

Aapni post ke tittle me modifires ka use kare.. modifire means aise words jo visitors ko hamari post padhane ke liye attract karate hai.

For example – best, guide, complete, Guide, full Guide, Top Guide, Useful Tips, Special Tricks etc..

In sab ka apni post tittle me use kare.

14. Big And Unique Content Likhe.

Aap jo koi bhi post likh rahe ho.. use apne dil se likhe jisse vo apne aap unique ban jati hai. aur hamesha badi likhe. Apani post me minimum 1000+ words use kare aur maximum ki koi limit nahi hai. Aap jitana jyada likho utana search ranking ke liye achha hi hai. Par iska ye matalab nahi ki content bada likhana hai matalab aap kuch bhi likh de.

Chahe kisi 1-2 posts me aapaka content 500 words ka hi Q na ho but voh bilkul alag aur Unique hona chahiye.

15. Visitors Ko Post Sharing Ke Liye Inspire Kare.

Aur last… Jab aapki puri post likhakar puri ho jaye to last me apane visitors ko post social media par share karane ke liye jarur kahe. Jisase aapko social media se aur traffic mil sake, humari is post ko bhi share kare taki hum or acche article likh sake.

Ye thi On Page Seo Ki Kuch Tips Jisse Aapke site ki ranking jaroor achhi hogi. Me apne aane wale post me aapko Off Page Seo Ke Bare Me Bhi Jaroor Bataunga. Till Then, Keep Blogging

Last Word :- Ummid hai aapako meri ye On Page SEO tips pasand aayi hogi. Aur aap ise follow karake apne blog ko achhi rank par lekar aayenge. Agar aapako ye post achhi lagi ho to apne Friends ke saath share kare aur hamara facebook page like kare sath hi hame email se subscribe kare aur aisi hi behatarin janakari paye sidhe apane email par…..

Read Also.

8 COMMENTS

    • on page seo apne blog post me kis tarha se karna hai yah jankari aapko achi lagi yah comment karke batane ke liye aapka dilse dhanyawad…keep visiting indihow..

    • thank you sujeet ji, on page seo ek aisa tarika hai jo hamare site traffic ko boost karne me bahut kaam aata hai so aap on page seo follow karte rahiye bahut jald hi aapki product site ki traffic boost hona start ho jayegi.

LEAVE A REPLY

Please enter your comment!
Please enter your name here